Zirtirtute ni pual Football khel

Teachers’ Day 2023 vawi 62-na pualin nimin khan Aizawl Sipai Lammual-ah Football Exhibition Match khelh a ni a, he hunah hian Govt. School 22 leh Private School 32 aiawh Zirtirtute an inkhel a ni. He hun hi School Education Minister Lalchhandama Ralte chuan hmanpuiin kan hnam hla, ‘Ro min rel sak ang che’ tih chu zah taka sa thin tura chahin, “Kan hnam hla kan sak apiangin kan awmna hmunah ding chungin zah tak chunga sa thin tur kan ni,” a ti a. Kan ram leh hnam zahpui lova, kan culture-te zirlaite'n uar lehzuala kan chhawmnun a pawimawh thu pawh sawiin, Zirtirtute Ni chu State pum huap Prog-ramme siam a that rualin zirlaite'n anmahni School theuha zirtirtute chawimawna hun buatsaih an duh thin avangin mahni remchan dan anga hmang tura ruahman thin a nih thu a sawi bawk.