Tribal Food Fair and Cooking Competition neih a ni
Tribal Food Fair and Cooking Competition hi Block Coordinator (Poshan Abhiyan) Laldinpuii Ralte chuan kaihruaiin September thla hi ‘National Nutrition Month’ a nih angin ei tur tha leh hrisel thehlarna kawngah hmalak thin a nih thu a sawi a. He hun hmanpuitu Serchhip ICDS Project-a CDPO Caryll Lalpari chuan chawtha tangkaina leh naupang tana chawtha, kan ban phak mai a awm te thianghlim leh hrisel zawka sawngbawl a nih theih nan hmalak a tul thu te a sawi bawk.
He hunah hian chawtha ei tur chi hrang hrang phochhuah niin he intihsikna endiktu Lal-hmangaihzuali M.Sc (Food and Nutritionist) chuan chawtha awmzia te, taksa in a mamawh eitur tha thlai hnah leh rah ei uar a tulzia te, mi tam takin natna benvawn BP sang, Heart attack leh Stroke an veina chhan chu za zela 70 vel chawtha lo kan lakluh vang te a nih thu a sawi a, Sa leh mawm lam ei nasat lutuk that lohzia leh kan banphaka thlai hnah leh rah te, thei lam chite ei uar a that thu a sawi bawk.
Tribal Food Fair and Cooking Competition-ah hian Aneete VL. Hmangaihzuali (New Serchhip AWC-I Worker) chu pakhatna niin, C. Laldinpuii (Serchhip Hmar Veng Centre-I Mothers Committee) chu pahnihna niin, Emily Vanlalhmangaihi (P&E-I Centre) chu pathumna a ni a. Intihsiakna a tel zawng zawngte hi lawm-man hlan vek an ni bawk.
Comments
Post a Comment