Smart Classroom atan bungrua hlan an ni

Aizawl Smart City Limited (ASCL) hnuaia zirna In te tih changtlunna tur Project, Smart Classroom kaltlanga ngaihtuah hmanraw hrang hrangte chu nimin khan Govt. Aizawl College, Mualpui Campus-ah UD&PA Department changtu Deputy Chief Minister Tawnluia chuan a hlan. Smart Classroom Project hi School Education Department hnuaia Aizawl khawpui chhunga zirna In 94 tan Smart Classroom 116 leh Higher & Technical Education hnuaia zirna In 14 tan Smart Classroom 109, avaiin zirna In 108-ah Smart Classroom 225 siam a ni dawn a. Interactive Board (Interactive Flat Display Panel) 75 inches a hlai, 3KVA power back up kengtel dah a ni dawn a. Heng bakah hian Govt. Primary School 121 te Computer, Printer leh a kaihhnawih dangte pek an ni dawn bawk a ni. He Project atana sum senso hi cheng vbc. 7.43 niin M/s Silicon Infotech Pvt. Ltd chu supplier an ni.