NEEPCO in Manipur raltlan te tanpuina hlan

North Eastern Electric Power Corporation Ltd (NEEPCO), Tuirial Hydro Electric Project, Kolasib te chuan Corporate Social Responsibility (CSR) kaltlangin Manipur atanga sahimna zawnga Kolasib District-a lo tlanlut (Internally Displaced Person)-te tanpuina atan Rs. 1,00,000/- chu nimin khan Kolasib District Bawrhsap kutah an hlan a. Kolasib District hi Manipur atanga sahimna zawnga lut tamna ber District niin Kolasib District chhunga Relief Camp 13-ah IDP chhungkaw 207 (mi 983) an awm mek a. Relief Camp pawn lamah mahni chhungte bel leh In luaha khawsa chhungkaw 775 (mi 2,677) an awm bawk a. An vaiin Kolasib District chhungah Manipur atanga tlanlut chhungkaw 982 (mi 3,660) an awm mek a. Anmahni chhawmdawlna leh tuamhlawmna atan hian sawrkar chuan theihtawpin hma a la reng a ni.