Sahuan atanga ramsa bo la chhui zui zel

Aizawl Sahuana dan lova ramsa (Exotic Birds, Lears Macaw) rubotute chu Police punin zawn mek zel an la ni a, thu zawhfiah mi engemaw zat awm tawh mah se, a rubotute man an la ni lo.

Environment & Forest department hotute chuan ram dang sava rukbo chungchang hi langsar si lo in ngawrh taka chhui mek zel a la ni tih sawiin, Sahuan a thawk mi engemaw zat thu zawhfiah an nih tawk bakah, thla liam ta August ni 15 khan inhnamhnawihna nei ni a rinhlelh State pawn lam mi, Delhi a cheng mi 5 leh Kolkata a cheng mi 1 te thu zawhfiah an ni tih an sawi. Forest department hotute chuan he thil thlen hnu hian Aizawl Sahuan lamah pawh zan lama venhim hna tih khauh zui zel a nih thu te an sawi. Eexotic birds tawlhruk man, Aizawl sahuan a July ni 1, 2023 zan dar 9:30 vela dah luh chu, July ni 4, 2023 zingah rukbo a ni tih hriat a ni a, rukbo hun hi zing dar 1-3 ni a hriat a ni.