Zirtirtu 75 te chawimawina hlan an ni dawn

President Droupadi Murmu chuan naktuk-a Zirtirtute Ni pualin ram chhunga Zirtirtu tha thlan-chhuah mi 75 hnenah National Teachers' Award 2023 a hlan dawn. India President hlui  Dr. Sarvepalli Radhakrishnan pian champha pualin kumtin September ni 5 hi Zirtirtute Ni, Teachers' Day atan hman a ni thin a, he Ni pual hian President Droupadi Murmu chuan New Delhi, Vigyan Bhawan-ah ramchhunga Zirtirtu tha thlanchhuah mi 75 hnenah National Teachers' Award 2023 a hlan dawn a ni. Zirtirtu tha chawimawina dawng tur  zingah hian Mizoram atangin Lalthianghlima, Govt. Diakkawn High School, Kolasib zirtirtu pawh telin, Award hian chawimawina thuziak bakah pawisafai Rs. 50,000 leh Silver Medal a keng tel dawn a, Prime Minister an kawm dawn bawk a ni.