Kolasib-a Ration sem ah buhfai tha lo a tam

Tunhnaia Kolasib khaw chhunga Ration buhfai semah buhfai tha lo awmin chhungkaw thenkhat phei chuan an buhfai lak te ei lovin ran chaw atan an hralh nia thudawn a ni.

Thudawnn danin buhfai tha tawk lo awm te hi Supplier te hnen atanga an dawn a ni a, FCI atanga an buhfai lak zingah erawh buhfai chhia a awm lo nia thudawn a ni. Kolasib District Civil Supply Officer Lianchhuma Chinzah chuan kumin June leh July thla vela Supply Department kaltlanga ration semchhuah buhfai thenkhat chu a tha tawk lo tih a sawi a. Mipuite hnena buhfai tha vek sem turin FCI atanga an lei loh chhan zawhna chu, “FCI atanga sawrkarin buhfai kan leina rate hi a sang em em a, mipuite hnenah a man chanve in kan pek leh a ngai si a, hei vang hian a man tlawm zawk Private atanga Supply hi kan lei a ngai a ni,” a ti.