RNU DDK Aizawl Joint Director in DC kawm

Regional News Unit (RNU) Doordarshan Aizawl-a Joint Director (News) hna chelh mektu Nampibou Marinmai IIS chuan nimin khan Serchhip rawn tlawhin Serchhip District Bawrhsap David Lalthantluanga chu a chenna In-ah a kawm. Bawrhsap a kawmna ah hian RNU, DDK Aizawl-a Joint Director Nampibhou Marinmai chuan India Information Service (IIS) hnathawh hrang hrang leh Mizoram-a Central Media - DDK leh AIR te bakah Field Publicity te hmalakna hrang hrang te, DDK Aizawl in thuthar an puanzar dan kalphung tlangpuite a sawifiah bakah, Public Information Bereau (PIB) kaltlanga State sawrkar chetvelna hrang hrang puanzar anih dan kalphung tlangpui a sawi a.  District hrang hranga sawrkar laipui hmalakna hrang hrang kalpui anih dan te uar zawk leh nasa zawka Media kaltlanga puanzar anih theihna tura thawhpuiah Serchhip DC leh a thawhpuite chu a sawm thar leh bawk.

Serchhip District Bawrhsap hian RNU, DDK Aizawl-a Joint Director chu Serchhip District dinhmun tlangpui lo hrilhin, a theih ang leh a tul anga thawhhopui zel an nih tur thu a sawi a. Information/Media lamah District chhunga Journalist/MJA te nen inpawh tlang taka an thawhho mek thu a sawi bakah, District hmasawnna tur atan tul leh pawimawh te an sawidun bawk.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man