RD Minister in Ngopa ah Community Hall a hawng

Rural Development Minister Lalruatkima chuan nimin khan Ngopa Community Hall sak thar chu hawngin Ngopa VO (Village Organisation) pathum hnenah SHG member te hman tur puanthui khawl a hlan bawk.

Ngopa Community Hall sak thar hawnna hunah hian RD Minister chuan hmasawnna dawngsawng turin mipuite kan inbuatsaih a tul thu a sawi a. Ram in ri nei mahse hnamin ri a nei ve lo tih sawiin, ‘Kan thenawm ram a kan unaute'n kan ei chhung chu an ei ve ang’ tiin Rural Development hmalakna tehkhawng hrang hrangah Mizoram chu India ram pumah pahnihna kan nih thu a sawi bawk.

Ngopa Community Hall sak thar hi Border Area Development Program (BADP) hun laia cheng nuai 109.50 senga sak niin a dung meter 23.50 niin a vang metre 14.80 a ni a. Hall san zawng hi metre 6.50 niin Hall chhungah hian Gallery, Lamtual leh Stage bakah Committee Room-cum-Library Room te a awm a, mipui 350 vel leng thei tura ruahman a ni. Community Hall hnuaia hian parking lot siam ni bawkin motor te LMV 20 leh Two Wheeler 30 vel leng thei tur parking siam tel a ni. Community Hall sak hna hi May 24, 2021 khan tan a ni a, BDO Ngopa Chairman-na hnuaiah Committee din niin a sak hna hi uluk taka vil a ni a. Minister hian Ngopa BDO Office Complex a tlawh nghal bawk.

RD Minister hian nimin vek khan Ngopa, Hmunnghak-ah khawl bunthar Micro Level Biomass Briquette Production Unit (MLBBPU) chu a hawng bawk a, MLBBPU hi MGNREGS Material Component cheng nuai 30 senga sak niin MLBBPU hi bawlhhlawh hrang hrang sawng-bawl a, leitha siamna tur a ni a, Meihawl thlakna Environmental Friendly, Carbon Dioxide pechhuak tlem thei Biomass Pallet (Meihawl chikhat) siamna tur a ni.

Comments

Popular News (Last 30 Days)

Vawiin-ah HSSLC Exam result