Pung awm lo loan kan zuar ngai lo - Lalduhoma

ZPM Leader Lalduhoma chuan pung awm lo loan an zuar ngai lo tih sawiin, “Subsidy leh Guarantor nei chi te erawh kan zuar,” a ti.

ZPM in nimin-a an Party Office-a Chhung Inkhawm an neih ah ZPM Leader Lalduhoma chuan Party pakhat chuan an policy chungchangah ZPM chu loan puk leh thildangah tih theih loh pui intiama mipui bum tumah an puh nia sawiin, “A tih theih zia leh kan Budget ei hek si lova tih dan – rethei dawmchhuahna tur Hand Holding Policy tihpuitlin nan hman kan tum a ni,” a ti a. “A duh chuan pung awm lo loan hi sawrkarin a pe thei a, Guarantor-ah a tang thei bawk. Sawrkar laipui pawhin State tinah pung awm lo SASCI loan a pe a, MNF sawrkar hmasa pawh khan a pung awm lo in Sawhthing loan a pe a, an ngaidam zui ta nghe nghe a nih kha. Chutih-rualin, ZPM hian pung awm lo loan hi kan zuar ngai lo, subsidy leh Guarantor nei chi te erawh kan zuar. Chuvangin kan Policy-ah tih hlawhtlin theih loh leh mipui bum tumna a awm lo,” a ti a ni.

Loan chungchangah Micro, Small and Midium Enterprise Development Act 2006 chu Ministry of MSME chuan a lo siam tawh tih pawh ZPM Leader chuan sawiin, “He dan hian Enterpreneur tenau te te leh a lawihawl ten loan an lak theih nan ruahmanna tha tak mai a siam a, kumin April atang phei kha chuan loan lak theih zat hi cheng nuai 500 thlengin a tipung chho tawh a ni. He dan hnuaiah hian Scheme hrang hrang a awm a, kan tangkaipui zual tura ngaih, a tlangpui ringawt pawh dinchhuahna tham tur hlir a ni,” a ti a. Scheduled Caste leh Scheduled Tribe-te pual bik liau liauin NSSH (National SC&ST) Scheme siam a nih thu leh hemi hnuaia ruahmanna siam te pawh a sawilang bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar