Quiz-ah Serchhip College in pathumna dinhmun luah

Mizoram EIACP Hub – Mizoram Pollution Control Board-in kumin 2023 World Ozone Day puala a buatsaih ‘Quiz Competition for Mizoram College Eco-clubs’ ah Govt. Serchhip College chu pathumna an ni.
‘Quiz Competition for Mizoram College Eco-clubs’ hi Round hniha kalpui a ni a, September 7, 2023 khan Online Quiz hmangin Preliminary Round neih niin College Eco-clubs 13 atanga a titha pathum Govt. Hrangbana College, Govt. Serchhip College leh Govt. Cham-phai College Eco-clubs-te’n Final Round lutin Zirtawpni zan khan Aizawl-a Ignite Studio-ah Final Round hi neih leh a ni a, Govt. Serchhip College aiawha kal Nathan Remruatdika (1st Semester BSc) leh Rositina Lalruatsangi (1st Semester BA) te chu pathumna an ni a. Govt. Cham-phai College chu pakhatna an nih bakah Govt. Hrangbana College chu pahnihna an ni bawk.

He hun kaihruaitu Er. Benjamin Lalnun-sanga Colney, Programme Officer, Mizoram EIACP Hub – MPCB chuan United Nations-in Montreal Protocol hman tan ni hriatrengna atan September ni 16 chu World Ozone Day atan a puan thu leh kum 1995 atang khan he ni hi khawvêl pumah Ozone layer vênhim kawnga hmalâk nân hman thin a nih thu a sawi a. Khawvel ram hrang hrangte’n Montreal Protocol kan zawm that avang hian Ozone pawp kan tih, Ozone hole awm mêk te hi kum 2040 leh 2066 inkârah chuan kum 1980 hunlai ang khan a in ‘recover’ leh turah mithiamte chuan an beisei thu a sawi bawk.