Volleyball inelna zawhfel a ni

Serchhip District Volleyball Association (SD-VA) buatsaih Season Opening Tournament chu Inrinni khan khelh zawh niin Mipa-ah Keitum Kawn Veng VC leh Hmeichia ah Darnaam VC te an Champion.
New Serchhip Volleyball Court-a khelh SDVA Season Opening Tournament-ah hian Mipa-ah Team 13 telin Final-ah Keitum Kawn Veng VC hian Mama MVC-I, Chhiahtlang chu 3-0 (25-20, 25-18, 25-20 a hnehin an Champion a, Champion Team hian lawmman ah Rs. 10000 leh pahnihna in Rs. 5000/- an dawng a, Keitum Kawn Veng VC atang hian Jerome Thanchung-nunga chu Best Receiver niin Reuben Lalrintluanga chu Best Setter leh Reuben Lalrintluanga chu Best Spiker atan thlan an ni.

Hmeichhe lamah Team 6 telin Final-ah DarnamVC chuan Vengchung VC chu 3-1 (25-22, 25-19 , 21-25, 25-20) a hnehin an Champion bawk a, Champion Team hian Rs. 8000/- leh pahnihna in Rs. 4000/- an dawng a. Malsawmkimi (Vengchung VC) chu Best Receiver niin Gospel Lalhlimpuii (Darnam VC) leh Malsawm-zeli (Darnam VC) chu Best Spiker atan thlan an ni bawk. Mimal tithate hian Rs. 500/- theuh dawngin Semi Final a chak lo ten Rs. 1000/- an dawng bawk.