MLA 2 in NHIDCL hnenah kawng chhia an thlen

Thorang bialtu MLA Zodintluanga leh West Tuipui bialtu MLA Nihar Kanti Chakma te chuan National Highway 302 chak zawka siam a nih theih nan nimin khan NHIDCL Executive Director an hmu. Heng MLA pahnih te hian Lunglei-Lungsen-Tlabung Road siam mekah hian hnathawktu leh a enkawltute hnenah vawi tam tak chak leh tha zawka thawk turin an lo thlen tawh thin a, heti chunga tun dinhmuna mipui ni tin ei tur mamawh lakluhna thlenga harsatna a thlen tak zui zel avang in chak leh zuala hnathawktute nawr turin NHIDCL Executive Director Virindra Kumar Jakhar hi an hmu a. NHIDCL Executive Director chuan contractor inthlak leh ruahtui vanga an harsatna tawh dan te lo hrilhin, chak lehzualin hma lak an tum tur thu MLA pahnih te hi a hrilh a ni.