PM-Kisan a thar-a dilna hun hawn leh mek a ni
Hemi chungchangah hian tunhnai khan Serchhip DAO Office chuan Serchhip District-a Village Council hrang hrangte chu lehkha thawnin PM-KISAN hnuaia hriattur pawimawh hrang hrangte lo hre tur leh he ruahmanna hnuaia pawisa dawng tlak te dilna Form-ah chauh Seal, Signature leh Recommend lo pek sak turin an ngen a. Hemi chungchang hi a theih anga lo puangzar turin an ngen bawk a ni.
PM-KISAN hi chhungkaw pakhat atangin mi pakhat in dil theih niin a dil tawh chhungkua te tan dil nawn theih a ni lova, Sawkar hnathawk tan Peon leh IV Grade te chauh dil theih a nih bakah a dil turte chuan Ram Pass an neih a ngai a, an dilna ah hian Ram pass, Aadhaar, Account Number leh Phone number te a inmil vek tur a ni bawk. Hetiang a dil thei te tan hian Serchhip DAO Office-ah dilna Form hi lakchhuah theih a, tun thla ni 30 hmain registration hi tihfel tur niin zawhfiah theih a ni bawk ang.
Comments
Post a Comment