Mizoram in ram dang mi tlawhtu 3,551 a nei

Nikum 2022-23 chhung khan Mizoram tlawhtu rampawn khualzin (foreign tourist) 3,551 an awm a, kum kal mekah 1,075 an awm.

Tourism Department tarlan danin, kum liam ta, 2022-23 chhung khan Mizoram tlawhtu mi 2,22,008 an tling a, chung zinga 2,18,457 chu ramchhung khualzin (domestic tourist) an ni a, mi dang 3,551-te chu foreign tourist an ni. Kum kal mek, 2023-24 (April - July) chhunga Mizoram tlawhtu chu mi 72,417 an tling a, chung zinga mi 71,342-te chu Domestic Tourist niin 1,075 chu foreign tourist an ni. Kumin-a rampawn atanga Mizoram tlawhtu khualzin zingah US mi an tam ber a, mi dangte chu Japan, Australia, Israel, Canada, UK, France, Germany, Norway, South Korea, Canada etc. a tanga khualzin te an ni.