MCSS&CA Annual Sports Meet CS in a hawng

Tunkar Zirtawpni thleng awh tur Mizoram Civil Services Sports & Cultural Association Annual Sports Meet vawi 34-na chu nimin khan Chief Secretary Dr. Renu Sharma IAS chuan Govt. Mizo High School Multipurpose Hall, Aizawl-ah a hawng.

Chief Secretary chuan infiamna hlutna hrang hrang- mahni invawn thianghlim, tumruhna, thawhhona tha leh taksa hriselna te chu Sawrkar pawhin a ngaipawimawh hle tih sawiin, mahni hna theuha buai tak tak vek an nih avangin Sports Meet chu taksa sawizawina hun remchanga hmang turin he huna kalkhawmte chu a chah a, rilru hahna te tizangkhai tura hmanraw pawimawh tak ni ngei se a duh thu a sawi bawk. Kum 1988 atanga kum 1999, 2020 leh 2021 tih loh kumdang zawngah MCSS&CA Sports Meet buatsaih theih a ni chu lawmawm a tih takzet thu Chief Secretar chuan sawiin, MCSS&CA Patron a nih angin nakum February 14th - 16th, 2024 chhungin Cultural Items a intihsiakna buatsaih a ni leh dawn tih a sawi a, sawrkar phalna pawh hmuh tawh a nih thu leh Department zawng zawngte he Cultural Items intihsiakna-ah hian tel vek turin a sawm nghal bawk.

MCSS&CA Annual Sports Meet hi then hnih-a then niin a then khatna-ah hian nimin atangin tun thla ni 8 thleng Chess, Chinese Checker, Badminton, Carrom leh Table Tennis-ah te sawrkar hnathawk infiammi 300 vel an intihsiak dawn a. Phase-2 inelna hi nakum February-ah neih chhunzawm tur a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man