Manipur-ah buhfai thawn tam

Manipur buaina avanga Manipur in buhfai an lakluhna thinah buhfai lakluh a nih loh avangin June ni 27, 2023 atang khan Mizoram atangin buhfai thawn niin hriat theih chinah buhfai quintal 30,000 thawn a ni tawh tih Food Corporation of India Divisional Manager Zodinpuii Ralte chuan a sawi a. Tun dinhmunah Mizoram chuan buhfai thla thum (3) ei daih a nei tih pawh sawiin, tun dinhmun ah buhfai stock quintal 214,610 leh Wheat quintal 6559 an nei a, nimin leh Vawiin-ah Rel Wagon 21 ve ve a lo thleng dawn niin a sawi bawk. Rel hi Pathianni-a a rawn thlenin khawtlang hruaitu ten hlanthlak phal loh chang an neih thu pawh sawiin, hei vang hian cheng nuai tam tak chawi a ngai thin niin a sawi bawk.