Oxygen Plant thar hawng

Health Minister Dr. R. Lalthangliana chuan Inrinni khan Pukpui Lunglei-a darkar 24 chhunga Jumbo Oxygen bur 96 thun theihna Oxygen Plant (Filling Station) chu a hawng a, he hunah hian Health Minister chuan Mizoram-a a hmasa ber atan Lunglei-ah Oxygen Plant (Filling Station) North East Special Infrastructure Development Scheme (NESIDS) hnuaia cheng nuai 270.77 senga siam leh hawn theih a ni ta chu lawmawm a tih thu a sawi bawk. He Oxygen Plant siam hna hi VIDUREPL Agency, Guwahati te thawh niin darkar 24 chhungin Jumbo Oxygen bur sei chi 96 a siam theih a, Jumbo Cylinder bu ruak thun khat tura Silchar pan ngai thin kha a ngai tawh dawn lo a ni.