Khawzawl District-a Head of Office te thukhawm

Deputy Chief Minister leh Tuichang bialtu MLA Tawnluia hovin nimin khan Khawzawl District-a Head of Office te chu DC Conference Hall-ah an thukhawm.

He thutkhawm ah hian Deputy Chief Minister chuan Head of Office kalkhawmte chu Model Code of Conduct-in a phuar hma hun tlemte chhunga hmalakna tam thei ang ber neih a nih theih nan an Office kalphungte inhrilhtawna, hma thar lakna tur inbengvarna hun atan he Meeting hi hmang turin a sawm a. Sawrkar chuan a hmuna thawktute ngaihdan leh thurawn a ngaipawimawh hle tih sawiin, District thar enkawl chu awm lo a ta thil awm tir a nih angin chona tam tak a awm thu a sawi bawk.

Deputy Chief Minister chuan Sawrkarin harsatna lian tak - hripui leng vangin a tawk a, a pawisa hmuh tur cheng vbc. 3000 bawr vel a hmuh loh thu pawh sawiin, “Hripui leng bakah hian - vawk pul hri, ram kang, lirnghing, raltlan leh ramri buai vangin harsatna hrang hrang a tawk a; hmuh lawk lohna lamah pawisa tam tak hman a ngai ta a ni,” a ti a. Heng harsatna karah hian sawrkar chuan chhungkaw tin khaichhuah hi thupui berah neiin, Flagship Program - SEDP chu a theih ang angin nikum lam atangin a kal pui tan thu a sawi bawk. He hunah hian District Civil Supplies Office, District Fisheries Development Office, Public Health Engineering Office-te atangin an hmalakna leh hmachhawp te ngaihthlak a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar