Inthlanpui pualin IPRO ten training an nei

Mizoram Legislative Assembly Inthlanpui tluang taka neih a nih theih nan Media kaihhnawih thil hrang hrangte zirhona chu nimin khan Information & Public Relations Officer-te tan I&PR Auditorium, Aizawl-ah buatsaih a ni.

Nimin-a Training neih hi Deputy CEO leh State Training Co-ordinator Henry C. Lalrawnkima chuan kaihruaiin Addl. Chief Electoral Officer H. Lianzela chuan mipuiten an aiawha rorel tur an thlan theihna chu Democracy lungphum pawimawh tak a ni tih a sawi a. Inthlan langtlang leh thianghlim tak neih a nih theih nan India ram Danpui chuan Election Commission of India (ECI) chu zalenna leh thuneihna zau tak a pek thu sawiin, “ECI chuan Media-te chu a khuahkhirh lova, amaherawhchu dan leh thupek Media-ten an zawm a ngai pawimawh a ni,” a ti. Mipuite hrilhhriat leh tan bik nei lo a thu thehdarh chu sawrkar thupuangtute mawhphurhna pawimawh tak a nih thu pawh Addl. CEO chuan a sawi bawk.

Addl. CEO chuan kalkhawmte chu Voter Turnout a tam theih nan tan la theuh tura ngenin, Systematic Voters’ Education and Electoral Participation (SVEEP) hmalaknate theihtawp chhuahpui turin a sawm a. MLA General Election neih turah Polling Station za a 50% inthlan kalpui dan (election process) Official-ten an lo enfiah theih nan ‘web-casting’ tih a ni dawn tih a sawi bawk.

Nimin-a Training-ah hian Mizoram District tina IPRO te telin State Level Master Trainer Dorothy Muansangi, Victor Lalawmpuia leh Zoramdini ten inthlan kaihhnawih thupui hrang hrang an zirtir a. I&PR Deputy Director Mina Zoliani chuan lawmthu sawiin training hi a khar a ni.

Comments

Popular News (Last 30 Days)

Vawiin-ah HSSLC Exam result