3rd Mizoram Innovation Competition & Exhibition Fair PUM, 2023 kharna Chief Minister hova neih a ni

Labour, Employment, Skill Development & Entreprenuership Department (LESDE) leh Ministry of Skill Development & Entreprenuership, (MSDE) Govt. of India tangkawp buatsaih 3rd Mizoram Innovation Competition & Exhibition Fair - PUM, 2023 kharna chu nimin khan Chief Minister Zoramthanga hova neih a ni.

Industrial Training Institute, Aizawl-a 3rd Mizoram Innovation Competition & Exhibition Fair - PUM, 2023 kharna inkhawm-ah hian Chief Minister Zoramthanga chuan tunhma chuan Pùm-ah hian hna a lo thawk ve tawh thin tih sawiin, “Vawiin-ah kan thalaite thil siamchhuah tha tak takte han hmuh hian a tuiawmin chhuanawm ka ti hle a ni,” a ti a. LESDE hmasawnna chu chhuanawm a tih thu sawiin, an peng pawimawh tak Youth Commission pawh hi thalaiten an mamawhzia hre chunga hmathlir thui tak neia an din a ni nghe nghe tih a sawi a. “Vawiin-a a bul kan tan mek PUM zarah hian Industry lian zawk an lo la chhuak ngei dawn a, ngaihtuahna thar nei chunga hna lo thawk zel turin ka chah che u a ni,” a ti.

He hunah hian khual zahawm LESDE Minister Lalchhandama Ralte pawhin PUM bakah hian ITI zirlaite tan tho ''Kawtchhuah' pawh an buatsaih thin thu sawiin, tunhma chuan LESDE Department chu mite hriat hlawh lutuk lo a ni thin a, tunah chuan Mizoram sawrkar hmalakna zarah thalaite Inpui, thalaite rahbi tuk hna thawktu Department pawimawh leh thangduang ber a ni chho mek tih a sawi a. Mizoram sawrkarin thalaite hmakhua a ngaihtuah vanga hetiang dinhmun thleng thei an nih thu a sawi bawk.

LESDE Director Angela Zothanpuii chuan he Fair an buatsaih dan tlangpui sawiin, kumin ah hian Competitors 64 an awm a, an zinga mi 9 te hi ITI zir mek an ni a, 11 te hi ITI zirchhuak tawh an ni. Inelna hi Engineering leh Non- Engineering huanga then niin, Engineering huangah hian mi 28 an inel a, Non-Engineering ah hian mi 39 an tel a ni. Exhibition a nih tel avangin sawm bik stall hawng tur mi 8 te nen a vaiin Stall 78 a awm a, nimin-a Fair kharna hunah hian lawmman chi hrang hrang sem nghal a ni a. Serchhip atangin Lalhruaitluanga, New Serchhip Bazar chuan Best Innovator Award a dawng a ni.

Comments

Popular News (Last 30 Days)

Vawiin-ah HSSLC Exam result