In hmun neilo te In hmun pe

Serlui bialtu MLA Lalrinsanga Ralte chuan a bial chhung, Saipum khua a mi harsa, In hmun nei lo te tana In hmun 30 a leisak chu nimin khan a hlan.

In hmun hlanna puala inkhawm ah bialtu MLA Lalrinsanga Ralte chuan In hmun neilo ten In hmun thar an nei thei tur chu a lawmpui thu leh thlanchhuah zinga la tel ve lo; In hmun la nei ve lo te pawh an mamawh dan ang zel a ngaihtuah sak zel a tum thu a sawi a, mi harsa leh rethei zawk te chhawmdawl a, khaichhuah chu a tum ber a nih thu a sawi bawk.

Saipum-a In hmun neilote tana bialtu MLA in In hmun a leisak te hlanna hunah hian Saipum VC, Tlawmngai hrang hrangte leh political party hrang hrang aiawhte an tel a. Bialtu MLA hian Saipum leh North Hlimen-ah VC House sak thar te a hawng nghal bawk a ni.