Dy. CM in MTA Hnatlang Runpui a hawng

Hman khat daih Sarang/polythene (Single Use Plastic) thenfai leh hemi kawnga zirtirna hnatlang runpui chu nimin zing khan UD&PA Department changtu Deputy Chief Minister Tawnluia chuan Aizawl Bethlehem Vengthlang Taxi Stand-ah a hawng. UD&PA Department leh Mizoram Taxi Association (MTA) te thawhhona hnuaia buatsaih MTA Hnatlang Runpui hi Aizawl khawpui chhunga Taxi Stand 78 te bakah MTA Sub-Hqrs 6 (Lunglei, Kolasib, Serchhip, Mamit, Lawngtlai, Khawzawl) leh Branch 3 (Kawnpui, Lengpui, Thenzawl) ten an huamchhungah theuh an zawm bawk a. MTA Hnatlang Runpui kaltlang hian lirthei atanga bawlhhlawh paih chhuak lo tura inzirtirna, Garbage Free Mizoram sticker bel hnatlang, hman khat chauh daih Single Use Plastic hmang lo tura inzirtirna banner tar hnatlang leh Taxi Stand thenfai hnatlangte heng khaw hrang hrangah hian buatsaih a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar