Kawng siam dan tur enfiah

I&PR Minister Lalruatkima chuan nimin zing khan Aizawl Vaivakawn Zohnuai-a leimin na hmun chu tlawhin Vaivakawn Zohnuai kaltlanga Mizoram University Road chu motor te kaltlang theiha lai zau hlek a siam rem dan zawng tur leh a tul anga hma la nghal turin PWD chu a ti a. Helai kawng hi Mizoram University leh FCI Kudam panna kawng a nih bakah Aizawl West lam mipui tan he kawng tlang lo hian harsatna a siam nasa hle tih sawiin, chhiatna thlen belh lo zawng a motor kaltlang tir leh dan zawn a tul thu leh lei hi a la tawlh a, a la che mek zel nia a lan avangin ruahmanna nghet leh liantham siam nghal erawh a harsat thu a sawi bawk a ni.