Govt. Serchhip College-ah 5G Lab bun a ni

/

Ministry of Development of North Eastern Region (DoNER) Sh. G. Koshan Reddy chuan nimin khan 5G Experimental Centre chu Tech City, Guwahati atangin Online hmangin a hawng a, he hmalakna hnuaiah hian North East State pariat ah 5G Lab chu North Eastern Council (NEC) bultuma siam niin Mizoram State tan pawh a hmasa ber atan Govt. Serchhip College-ah 5G Lab hi bun a ni. He 5G Experience Program hian North East thalaite chu Industry 4.0 standard anga hmasawnna tluangtling hrang hrang - inbiak-pawhna (network) chungchangah te, hriselna (Health Sector)-ah te, zirna (education) tha leh awlsam an neih theih nan te a pui dawn a. Hemi atana senso zawng zawngte pawh hi an rawn tum vek bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »