Faina hnatlang neih a ni
Rampum-a Swachhata Hi Seva (SHS) kalpui mek denchhena UD&PA Department hmalakna in nimin khan Serchhip-a sawrkar Department hrang hrangte chuan anmahni Pisa leh a chhehvel thenfai hnatlang an nei hlawm a. Nimin vek khan Serchhip District Bharat Scouts & Guides te chuan Sports & Youth Services Department atanga hriattirna an dawn bawhzuiin Serchhip khawpui chhungah Faina hnatlang hi an nei bawk a, Swachhata Hi Seva (SHS) campaign, Garbari Free India hun hmangin Scouts and Guides mi 200 vel zet an thawkchhuak a. Serchhip AOC atanga tanin Tuizemdum kawn thleng kawngpui dung an thenfai bakah Tuikhuah Veng leh Serchhip Bazar huamchhung te an thianfai bawk a ni.
Hetihlai hian Mizoram sawrkar-a School Education Department in Office leh Zirna In te mahni hmunhma leh a chhehvel te nimin-a tihfai hnatlang nei tura a tih angin Serchhip-a Zirna In hrang hrangte pawhin Faina hnagtlang hi an nei bawk a ni.
Comments
Post a Comment