Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MLA in Boxing Hall a tlawh

Khelo India Boxing Centre atana thlan Ser-chhip Boxing Hall chu niminpiah tlai khan Bialtu MLA Lalduhoma chuan tlawhin Serchhip District Boxing Association (SEDBA) hruaitute nen an inkawm.
He hunah hian bialtu MLA chuan Serchhip bial in Sports discipline hrang hrangah hma an sawn nasat thu sawiin, tunhnaia Sports Authority of India in ‘Khelo India-Boxing Centre’ atana a puan tharte zingah Serchhip Boxing Hall a tel ve leh Mizoram District te zingah a hmasa ber atan ‘Khelo India - Boxing Centre’ hmasa ber Serchhip in kan nei thei chu lawmawm a tih thu a sawi a. Hemi atana hma la tu Boxing hruaitute chungah lawmthu a sawi bawk.

Serchhip bialtu MLA hian Serchhip District Boxing Association (SEDBA) Logo thar leh Khelo-India  Boxing Centre hnuaia Boxing Coach thar tur Lalfakzuala te chu a tlangzarh nghal bawk.

Comments

Popular News (Last 30 Days)