Governor in Ayushman Bhava Campaign a hawng

Governor Dr. Hari Babu Kambhampati hovin nimin khan State Level-a Ayushman Bhava Campaign hawnna chu Conference Hall, Legislative Assembly Annexe building-ah neih a ni.

Nimin-a Ayushman Bhava Campaign hawnna ah hian Larsap chuan he Campaign thil tum leh a pawimawhna te sawiin, Ayushman Bhava hmang hian nasa takin beihpui thlak a ni dawn a. Khawtin ah leh mitin te ban phakin Healthcare Services hrang hrang te chhawpchhuah leh hemi kawnga mamawhna te zawng zawng tihhlawhtlin vek tum a ni, a ti a. Kan ngaihven vak loh, inkaichhawn theih ni chuang si lo, kan khawsak phung leh ei leh in kan uluk loh avanga natna hrang hrang mi tamtakin kan vei mek – Zunthlum, thisen sang, Cancer, Lung Natna, Chuap Natna leh a dang te hi mi tam takin an thihpui mek tih sawiin, hemi kawngah hian inzirtirna uar zawka kalpui a ngai tih a sawi bawk.

He hunah hian Health Minister Dr. R. Lalthangliana chuan India President in a hawn tak Ayushman Bhava Campaign chu theihtawp chhuahin kalpui a ni dawn tih sawiin, “He campaign hi a hautak dawn a, Health Department chuan thlawpna tha tak a lo dawn thin angin mimal, pawl, kohhran leh khawtlang anga thawpuina tha a awm phawt chuan he campaign hi a hlawhtling ngei dawn a ni,” a ti bawk.

Comments

Popular News (Last 30 Days)

Vawiin-ah HSSLC Exam result