Golden Card siam theuh turin DC in mipuite chah

Serchhip District Bawrhsap David Lalthantluanga chuan mipuite tana Golden Card siamna hun hawn leh tur chu Serchhip District mipui ten chhawr tangkai se a duh thu a sawi.
Thla thar October 7 thlenga kalpui tur 'Ayushman Bhava' puala Serchhip CMO Conference Hall-a thuthar thehdarhtute a kawmna ah District Bawrhsap David Lalthantluanga chuan 'Ayushman Bhava' kalpui turah hian Ayushman Apka Dwar 3.0 hnuaiah Golden Card la neilo te tana a thlawna siam theih hun chu kartin Thawhlehni apianga hawn a ni dawn tih sawiin, kum 2011 chhiarpui ah khan Serchhip District-ah mi sing nga vel nei thei an awm laiin tunah chuan mi sing riat vel an awm tawh thu a sawi a. Serchhip-ah chuan Health Care Office-ah Golden Card hi siam theih a ni dawn tih sawiin, hei bakah hian PHC leh CHC hrang hrangah te pawh Golden Card hi siam theih a nih dawn thu a sawi a, he hun hi mipui ten hmang tangkai se a duh thu a sawi a ni.

Bawrhsap chuan he hmalakna hnuaiah hian tun thla ni 16 atang khian Inrinni-ah Ayushman Mela chu Health & Wellness Centre hrang hrangah neih a ni dawn tih a sawi a, October 2, 2023 khian khaw hrang hrangah VHSNC te nen Ayushman Sabha neih a nih dawn thu leh hetah hian mipuite hnenah hriselna kawnga sawrkar hmalakna hrang hrangte inhrilhfiah a nih dawn thu a sawi a, kumin December 31 hmain Ayushman Sabha hi tum khat neih leh tur a ni dawn tih a sawi bawk. Hei bakah hian September 16 atanga October 7 chhung khian a thlawna Mit pekna (Eye Donation) hun leh September 22-ah a thlawna thisen pekna hun (Blood Donation Camp) hman a nih dawn thu te pawh Bawrhsap chuan a sawi bawk a ni.

Comments

Popular News (Last 30 Days)

Vawiin-ah HSSLC Exam result