District Bharat Scouts and Guides President lalut

Serchhip District Bawrhsap David Lalthantluanga chu nimin khan Serchhip District Bharat Scouts and Guides President atan lakluh niin Serchhip DIPRO Lalnunmawii pawh Assistant District Commissioner (G) atan lakluh a ni bawk.
Nimin-a Serchhip DC Meeting Hall-a hun hman ah Serchhip District Bharat Scouts and Guides President atan District Bawrhsap David Lalthantluanga leh Assistant District Commissioner (G) atan DIPRO Lalnunmawii te hi rinawmna thu tiam tira lakluh an ni a. District BS&G President thar chuan Serchhip District Scouts and Guides President atana lakluh a ni chu lawmawm a tih thu leh a tan malsawmna ropui tak a nih thu a sawi.


Bawrhsap chuan Bharat Scouts & Guides te chanchin a bihchian thu sawiin, British hunlai daih tawh a din, kum 1950 atanga mumal taka India rama kal chho a nih dan te, sulhnu chhin-chhiahtlak tam tak an hnutchhiah tawh nia a hriat thu a sawi a. “Thil tha ti tura din an nih avangin Mizo hnam nun leh society nen pawh a inmil a, a YMA hle niin ka hria,” a ti a. Serchhip District ah hma-chhawp hrang hrang an neih thu leh School naupangte pawh an phur hle tih sawiin, heng hmachhawp te hi tluang taka an tih puitlin a beisei thu a sawi bawk.

He hun rawn hmanpuitu Bharat Scouts and Guides Mizoram State Secretary Lalngilneia Colney pawhin Mizoram-a he movement an kalpui dan leh hruaitute inkhaidiat dan te a sawi a. Bharat Scouts and Guides chu tlawmngai pawl, zirlaite khua leh tui thaa siam tura buatsaihtu an ni a; Scouts leh Gguides zawng zawngte chu nute tana thil tha ti tura zirtirin, nitin vawi khat tal thil tha ti tura beisei an nih thu a sawi bawk.

Serchhip District huamchhunga khaw hrang hrangah tun dinhmunah Bharat Scouts and Guides unit pasarih (7) a awm mek a, he hunah hian an hmalakna leh hmachhawp hrang hrangte ngaih-thlak niin Tritiya Sopan Camp leh Campfire te pawh neih an tum thu tarlan a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man