General PYD Inkhawmpui Pandal hlanna hun hmang

Tunkar Zirtawpni zan atanga Serchhip-a neih tur UPC Mizoram General PYD Inkhawmpui neih tur atan inbuatsaihna peihfel niin nizan khan he khawmpui neihna tur Pandal hlanna Inkhawm hi neih a ni.
Naktuk zan atanga Pathianni zan thleng awh tur Mizoram UPC hnuaia thalaite intawhkhawmna lian ber, General PYD Inkhawmpui hi Serchhip P&E Veng-a Leisekawt Mual-ah neih tur niin he Inkhawmpui neihna tur atana Pandal hlanna Inkhawm hi nizan khan Pandal hmunah neih a ni a, he hun hi Organising Committee Chairman Upa Ronghaka chuan kaihruaiin Serchhip bialtu Pastor Lalnghinglova chuan Pandal hlanna hun hi a hmang a ni.


Serchhip khua in General PYD inkhawm-pui vawi 27-na a thlen tur atan hian August 18, 2023 khan Pandal sak hna hi thawh tan a ni a, Pandal Structure hi an Kohhran in an neih sa chu hman niin a dung ft. 150 leh a vang ft. 100 a zau niin mi 3000 vel lenna tura ruahman a ni a, he khawmpui hmang tur hian Mizoram hmun hrang hrang atangin Palai 2500-3000 vel rawn kal tura beisei  naktuk zan atangin Inkhawmpui hi neih tur a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man