Chhingchhip-a MIFCO hmun C&I Minister in a tlawh
.jpeg)
Minister Dr. R. Lalthangliana chuan Chhingchhip a MIFCO thei tui sawrna hmun, Fruit Juice Concentrate Plant hi tlawhin helai hmun tihchangtlun zel dan tura hmachhawp te thawktute a sawipui a. Tuna an dinhmun leh hmalakna te thlirin, Kuthnathawktu ten sum an lakluh theihna tur, an thei tharchhuah te man man zawka an hralh theihna tura sawngbawlna hmun tura buatsaih a nih ang ngeiin tangkai taka hman a nih theih nan tan la turin thawktute a hrilh a. Bahlah awm lo a thei tui quality tha tak, a lei tute tan pawha lei man awm tak siamchhuah reng a nih theih nan tan lak a tul thu sawiin, chuta tana thawktu leh khawl mamawh dan te pawh a endik nghal a ni.
MIFCO theitui sawrna hmunah hian Lakhuihthei leh Sapthei te leiin a tui sawr thin a nih bakah mipui hnena hralhchhuah turin Squash-ah siam thin a ni bawk. Hemi atan hian Chhingchhip leh a chhehvel khaw hrang hrangah loneitute tharchhuah Lakhuihthei leh Sapthei te hi leikhawm thin a ni a. He Fruit Juice Concentrate Plant atang hian squash hi ni khatah bottle 300 vel an siam thin a. Kumtin metric ton 10-15 vel zet chu Sikkim State lamah an thawnchhuak thin a ni.
Nimin-a MIFCO hmun a tlawhna ah hian Minister hi Commerce & Industries Deputy Secretary Lalnunvula leh MIFCO Officer ten an tawi-awm a ni.
Comments
Post a Comment