DC&MA Minister PMJVK chungchang sawipui

New Delhi-a cham mek District Council and Minority Affairs Minister Robert Romawia Royte chuan Union Minority Affairs Minister Zubin Irani chu a Pisa-ah a kawm. DCMA Minister hian PMJVK hnuaia Project-te chu Mizoram tihmasawntu lian tak a nih thu leh hnathawh zawh chin pawh sum dawn tawh aia a tam zawk fe thu Union Minority Affairs Minister hi hrilhin, Mizoram chu PMJVK Scheme titha ber State a nih a rin thu a hrilh a, 2nd instalment sum la release lohte rang taka release tura ngenin, kumin atana Annual Plan pawh a sawipui nghal bawk. Union Minority Affairs Minister Zubin Irani hian PMJVK 2nd Instalment chu a release nghal tur thu DCMA Minister Robert Romawia Royte hi hrilhin, kumin atan Mizoram sum ruahman pawh a lo ngaih pawimawh tur thu a lo hrilh bawk a ni.