Latest News

Mizoram-ah kalpui tum lo

Ministry of Home Affairs thupek anga Myan-mar leh Bangladesh atanga Mizoram-a raltlan te Biometric leh Biographic la tura thupek chu Mizoram sawrkar chuan kalpui lo turin thutlukna a siam. Hemi chungchanga nimin-a thuthar theh-darhtute a kawmna ah I&PR Minister Lalruatkima chuan kan thenawm ram atanga raltlan hi tun dinhmun ah mi 60,000 dawn lai Mizoram-ah an awm mek tih sawiin, tuna Ministry of Home Affairs thupek in Biometric leh Biographic la tura a tih chu kalpui ve an tum loh thu leh Central-ah an kalpui dawn lo tih an thlen dawn tih a sawi a ni. I&PR Minister chuan heng raltlan zingah hian naupang thahnem tak telin, heng te hi Mizoram ah Education Department chuan a thlawn veka lehkha an zirtir bakah Mid-Day Meal thlenga an pek thu te leh raltlan atangin Matric pass pawh an awm hial chu lawmawm a tih thu a sawi bawk.

Comments

Popular News (Last 30 Days)