Zirtirtu tha chawimawina dawng turin thlang

/

Rampum huap-a Zirtirtu tha chawimawina, National Award to Teachers 2023 dawng turin Lalthianghlima Teacher Govt. Diakkawn H/S chu thlan a ni.

Ministry of Education chuan tunhnai khan National Award to Teachers 2023 dawng tur mi 50 te hming puangin an zingah hian Govt. Diakkawn H/S, Kolasib-a Zirtirtu hna thawk lai Lalthianghlima hi a tel a, he Award hian chawimawina thuziak bakah pawisafai Rs. 50,000/- leh Silver Medal a keng a ni. Award dawng turte hi September 3 - 6,2023 chhung New Delhi-a Ashoka Hotel Five Star-ah thlentir an ni anga, September 3-ah briefing neiin, September 5,2023-ah Vigyan Bhawan New Delhi-ah chawimawina hi hlan an ni ang.

School Education Minister Lalchhandama Ralte chuan National Award to Teachers dawng tura Lalthianghlima, Teacher Govt. Diakkawn H/S thlan a ni chu chhuanawm a tih thu a sawi a, zirtirtu thate hi ram tan an hlu tih sawiin, zirlaite kawng sialtu pawimawh a nih zel theih nan duhsakna a hlan bawk. Minister chuan National Award to Teachers hi tam zawkin an dawn theih nan zirtirtu tha leh chhuanawm tak tak ten tan la zel se a duh thu a sawi bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »