Tun thla chhungin ruahsur vanga chhiatna tam

Tun thla (August 2023) chhungin Mizoram hmun hrang hrangah ruahsur avanga leimin leh tuilian vangin tum 196 chhiatna a thleng a, chhiatna hian chhungkaw 1000 dawn chenna hmun a khawih chhia a ni.

Disaster Management & Rehabilitation Department chhinchhiahna atanga a lan danin, kumin August thla chhungin Mizoram hmun hrang hranga ruahsur nasa avanga chhiatna thleng 196 report dawn a ni a, chhiatna thlen tamna ber Lunglei District-ah chhiatna 76 chhinchhiah a ni a, leimin vanga kawng tlabal leh In chhia te bakah Tlabung leh a chhevel khaw thenkhata tuilian vanga chhungkaw engemaw zat ten harsatna an tawhna te a tel a. Lawngtlai District-ah tuilian leh leimin report 50 a awm bawk a, Aizawl District chhungah leimin vanga chhiat tawhna hmun 19-ah report dawn niin Siaha District-ah leimin leh leikhi hmun 15 a awm a, Hnathial District-ah leimin hmun 14, Champhai District-ah tuilian leh leimin report 8, Serchhip District-ah leimin report 7, Mamit District-ah leimin leh tuilian report 6 leh Saitual District-ah leimin report pakhat a awm a ni.

August thla chhunga chhiatna thleng zingah tuilian vangin Lunglei district-ah chhungkaw 465 leh Lawngtlai District-ah chhungkaw 320 ten harsatna an tawk a, heng chhungkua te hi hmun hima sawnchhuah an ni a, sawrkar thuneituten thil awm dan a thlithlai zui reng tih DM&R chuan an tarlang a, leimin vanga harsatna thleng pawh a theih ang anga thenfai leh senghawi hna thawh zel a nih thu an tarlang a, hriat theih chinah chhiatna thleng avanga nunna chan an awm lo a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man