Tualthattu a puh man tawh

Kar kalta Ningani-a Muallungthu bul Tuiri-vang-a ruang chhar Lallsawmsanga thattu nia hriat Thanga (Myanmar raltlan) chu Police ten an man tawh.

Hemi chungchanga Muallungthu VC leh YMA in thuchhuah intawm siama an tarlan danin Lallawmsanga c/o Thankimi (Muallungthu Neuva Section) hi Burma mi raltlan Thanga, Tuirivang-a Vanlalliana te Thlam enkawltu chuan a that tih hriat a ni a, a thattu hriatchhuah a nih theihna tura Kulikawn Police ten theihtawp an chhuah sakna ah lawmthu an sawi a ni. Muallungthu VC leh YMA chuan hetiang a an ramchhunga an khaw mi leh sa ngei, mi huan enkawltu Burma miin kutthlak a, nunna hial a laksak chu pawi an tih thu leh an dem thu sawiin, hetiang thil hi thleng nawn tawh lo se an duh thu an sawi a, tualthattu hi a na thei ang ber a hrem anih ngei an phut thu an sawi bawk.

He tualthahna kaihhnawiha man Thanga hian he pawikhawihna hi a tih ngei a nih thu Police te hnenah a puang tawh nia thudawn a ni a, July 9, 2023 khan Thanga hi Lallawmsanga te Thlam-ah hian kalin an inhnialbuai hnuah a rehhlum thu leh a tuk-ah a ruang hi lachhuakin ram-ah a paih niin a sawi a. Thanga hi Myanmar atanga rawn raltlan, Cherhlun Refugee Camp-a awm niin mi huan enkawla inhlawh thin niin man a nih lai hian Cherhlun Refugee Camp-ah hian a awm nia thu-dawn a ni bawk.

Tarlan tawh angin Lallawmsanga hi July 9, 2023-a Tuirivang-ah hian ram riak tura kalin hemi hnu hian a chian an hriat tak mai loh avangin July 28, 2023 atang khan zawn a ni a. Mizo dan-a ni 7 an zawnna, August 3, 2023 khan Tuirivang a Thlam pakhat bulah a ruang hmuh niin nasa taka kutthlakna hnuhma a taksa ah a awm a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result