Meri Maati Mera Desh Campaign hawnna nei

India ramin zalenna a hmuh kum 75-na lawmna, 'Azadi Ka Amrit Mahotsav (AKAM) Programme' kharna, Meri Maati Mera Desh (Ka leilung, ka ram) Campaign chu nimin khan Chief Secretary Dr. Renu Sharma IAS chuan a hawng.

India in zalenna a hmuh kum 75-na lawmna, 'Azadi Ka Amrit Mahotsav' hi March ni 12, 2021 atang khan neih niin kum hnih hnuah a kharna atan 'Meri Maati Mera Desh' Programme hi India ram pumah neih tura ruahman a ni a. He Campaign hi thingtlang leh khawpui Veng tinah neih tur niin nimin khan a hawnna hi State Nodal Officer & Secretary, S&YS Department Dr. Lalrozama kaihhruaiin Secretariat Conference Hall a neih a ni a, Chief Secretary Dr. Renu Sharma chuan he Campaign hi hawngin ram leh hnam inpumkhatna leh inlungrualna atana he Campaign hi thil tih tul tak a ni tih a sawi a, hemi atana theihtawp chhuah turin kalkhawmte a ngen a ni.

Meri Maati Mera Desh (ka leilung, ka ram) campaign hi August ni 15 thleng neih tur a ni a, Campaign-ah hian hmalakna atan India ram zalenna atana sualtu nunna chante tan hriatrengna lungphun te, Ram tana intiam thar lehna lak tur a nih bakah, Veng tin leh khaw tinah Thingtiak 75 phun tur a ni a,  Zalenna sualtu mi huaisen te chawimawi an nih dawn bakah Flag Pawhparh leh hnam hla sak te a tel a bawk. August ni 16 atanga ni 20 inkarah khaw tin leh Veng tin atangin lei (mitti) lakhawmin, Block Hqrs. ah kenkhawm tur a ni a. Hei hi Hlumbel-ah dahkhawmin India ram khawpui New Delhi-ah August ni 27 leh 28-ah Block tin aiawh thalai ten an keng khawm dawn bawk a ni.

Comments

Popular News (Last 30 Days)

LPG man bithliah thar