Hriatna dik, zau leh rintlak kan mamawh - A&C Minister

Art & Culture Minister R. Lalzirliana chuan ziak leh chhiar thiam chauh ni lovin hriatna dik, hriatna zau leh rintlak kan mamawh thu a sawi.

Sawrkar hriatpui NGO Library te tana ni hnih awh ‘State Level Library Seminar & Training’ tum 13-na nimin-a Aizawl Chanmari YMA Hall-a neih a hmanpuina ah Art & Culture Minister R. Lalzirliana chuan Library chu lehkhabu dahkhawmna satliah ni mai lovin, zirna In chi khat a ni, a ti a. Mizote chu India rama Literacy Rate tha ber pawl niin kan vannei hle tih sawiin, chutihrualin hmasawn tur chuan ziak leh chhiar thiam chauh ni lovin hriatna dik, hriatna zau leh rintlak kan mamawh thu a sawi a. Digital Age a cheng a kan nih tawh angin kan kawtchhuah ah, kan ban phak ah khawvela hriatna awm zawng zawng chu internet kaltlanga chhiar thei kan nih tawh thu sawiin, hetiang a nih avang hian thu belhchian dawllo leh thu ho mai mai te thliar thiam a, fimkhur a tul thu a sawi a. Heng avang hian Cyber Crime Police Station te hial pawh din a lo ngaih tak thu leh, Library hlut zia tilang chiangtu nia a hriat thu a sawi a ni.

Art & Culture Department, Raja Ram-mohun Roy Library Foundation (RRRLF), Kolkata, Ministry of Culture leh Mizoram Library Association tangkawpin an buatsaih nimin-a he hun hmanna ah hian District hrang hranga Library tha thlanchhuah te hnenah chawimawina hlan niin Serchhip District-ah chuan East Lungdar Branch YMA Library in lawmman pakhatna lain Ser-chhip Vengchung Branch YMA Library in lawm-man pahnihna leh Sialsir Branch YMA Library in lawmman pathumna an dawng a. Heng bakah hian kum 2017-2020 chhunga tehna hrang hrang 8-a thawk tha te hnenah lawmman sem a ni bawk.

Tun dinhmunah RRRLF hnuaiah YMA Library 513 te chu sawrkar pawmpui niin Vawiin hian Library Training neih a ni leh ang.

Comments

Popular News (Last 30 Days)

LPG man bithliah thar