Thawhchhuah atanga chhutin Mizoram in leiba a ngah

India rama State zingah kum khat chhunga an sum thawhchhuah zat (Gross State Domestic Product) atanga chhuta leiba nei tam zingah Mizoram chu a sang ber.

Zalen in an tarlan danin Tangka kum lo awm leh tura hian dan tlawhchhanin sum thawhchhuah zawng zawng atanga chhuta 20% aia tlem leiba nei turin State-te chu tih an ni a, tun dinhmunah State 31 zinga pali chiah 20% hnuai lamah an awm rih a. Sawrkar atang State hrang hrang sum dinhmun zirchianna (analysis) atanga a lan danin Mizoram chu a sum thawhchhuah atanga chhuta leiba ngah ber a ni a, Punjab leh Nagaland ten an dawt a ni. Mizoram hian tangka kum 2022-23 chhungin a sum thawhchhuah zahve aia tam (53.1%) zet leiba neiin India rampumah a sang ber a ni a. Punjab chuan 47.6% a nei bawk.

NCT Delhi chuan a sum thawhchhuah zat atanga chhutin 2.2% chauh leiba neiin a hniam ber a, Assam (27.5%), Telangana (28.2%), Chhattisgarh (27.1%), Madhya Pradesh (28.9%) leh Haryana (28.95) te chu 20% chung lam hretah an la awm hlawm a. Gujarat (19.5%), Odisha (15.75%) leh Maharashtra (19.0%) te chu 20% hnuailam chiah chiaha awm niin heng State-te hi Industry-a innghat sum lakluhna lama tan an lak thar nasat vang a ni.

Kum 2018-a siam danglam, Fiscal Responsibility & Budget Management (FRBM) Act-ah chuan India-a sawrkar pumpui leibat zat hi a sum thawhchhuah zat atanga chhuta 60%-a tihhniam tum a ni a. Sawrkar laipuiin a bat chu 40% leh State-te ba 20% hnuai lama tihhniam tum a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man