Serchhip District-ah Housing For All kaltlangin In sak tanpuina semchhuah mek zel a ni

Urban Development and Poverty Alleviation Department chuan Housing for All (Urban) atangin Serchhip District chhungah In sak tanpuina dawng tura thlan te hnenah tanpuina sum an semchhuak mek a. Serchhip bikah mi sanghnih chuang hnenah tanpuina hi pekchhuah a ni taawh a ni.

Niminpiah-a India Independence Day lawmna Serchhip-a neih a khuallian Education Minister Lalchhandama Ralte chuan UD&PA Department hnuaia Housing For All (Urban) hmalakna te a thusawi-ah tarlangin Urban Development and Poverty Alleviation Department kaltlangin Housing for All (Urban) atangin Serchhip khawpui chhungah chhungkaw 404 te hnenah In sak tanpuina 1st Installment chu July 2019 khan pek an nih tawh thu leh mi 323 ten 3rd installment thleng pawisa an dawn tawh thu a tarlang a. Hemi bakah hian 1st DPR 2nd Phase chu June ni 28, 2023 khan mi 502 te hnenah 1st installment pek leh tawh a nih thu leh 2nd DPR Serchhip hi 1st installment mi 937 te hnenah pek tawh niin mi 142 hnenah 2nd DPR 2nd installment pawh pek tawh a nih thu a sawi a. Heng bakah hian 3rd DPR Serchhip pawh beneficiary 563 te hnenah July 24, 2023 khan 1st installment pekchhuah a ni tawh bawk thu a sawi a ni. Hemi ang hian Serchhip bikah hian mi 2406 te hnenah tanpuina sum 1st Instalment pekchhuah ni tawhin an zinga mi 323 te chuan tanpuina an dawn tur ang an dawng kim tawh a ni.

Serchhip bakah hian North Vanlaiphai-ah HFA hnuaia 1st DPR ah mi 118 ten In sak tanpuina an dawn tur ang dawng tawhin 3rd Instalment thleng pawisa hi an dawng tawh bawk a, North Vanlaiphai 1st DPR 2nd Phase-a tanpuina dawng tur mi 185 te hnenah 1st installment chu June 28, 2023 khan pekchhuah leh tawh a ni bawk a, 2nd DPR atangin mi 193 te hnenah 1st instalment pek a ni tawh bawk a ni.

Thenzawl-ah pawh 1st DPR atangin 2nd Instalment thlenga pawisa dawng tawh mi 239 awmin tanpuina an dawn tur dawng zo tawh mi 6 an awm a. Thenzawl 2nd DPR-a beneficiary 292 hnenah 1st instalment pechhuak tura hmalak mek a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man