Video darh-ah thuneitu ten dan angin hma la mek

Tunhnaia Hmeichhe naupang kut inthlakna thleng Video darh chungchangah thuneitute chuan Dan anga hmalakna kalpui a nih dawn thu an sawi.
Nizan hmasa khan Social Media hrang hrangah Hmeichhe naupang kut inthlakna Video thehdarh a ni a, he Video thehdarh chungchang ah hian nimin khan LENKAWL chuan Police hotute thu zawt-fiahin, Police te chuan he thil thleng chungchang ah hian FIR an dawn tawh thu leh kut thlaktu leh a tuartu nia puh te hi nimin khan Special Juvenile Police Unit ten thu an zawtfiah tih an sawi a, kutthlaktu leh a tuartu a puh te hi kumtling lo an nih avangin Juvenille Justice Board (JJB) kut-ah an hlan dawn thu an sawi a ni.

Mission Vatsalya hnuaia District Child Protection Unit (DCPU) pawhin he thil thleng nia tarlan hi an hriat thu leh a theih ang anga buaipui nghal a ni tih an sawi a, hemi chungchang hi Police hnena report a nih angin hmalak a nih mek thu leh Dan anga hmalak zui zel a nih tur thu an sawi a. Kumtlinglo pawi khawih a puh te chu an chungchang hi Magistrate kaihhruaina hnuaiah Juvenille Justice Board (JJB) in an ngaihtuah thin thu leh pawikhawihna tuartu kum tlinglo te pawh Child Welfare Committee (CWC) in buaipuiin a theih anga chhawmdawl hna pawh thawh a nih thin thu an sawi a, tun tuma thil thleng nia tarlan pawh hi JJB leh CWC in a tul anga an buaipui zui tur thu leh hma an lak mek thu an sawi a ni.

Mission Vatsalya-a thawktute chuan nau-pang kum tling lo pawi khawih a puh leh thil sual ti-a puh bakah hetiang tuartute chu an hming leh Address bakah anmahni chhui theihna ang chi te Media-a puanzar Dan in a khap tih sawiin, Dan bawhchhia te pawh hremna pek theih an ni tih an sawi a. Naupang kum tlinglo pawi khawih leh hetianga harsatna tawk hria te chuan Social Media lamah thehdarh mai lovin Dan anga hmalatu tur thuneitute hnenah thlen nachang an hriat thin a pawimawh thu an sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar