Sawrkar laipui hmalakna uar zawka puanzar tul ti

Mizoram Governor Dr. Hari Babu Kambhampati chua mipuite chawikanna tura sawrkar laipui hmalakna hrang hrang te puangzar uar deuh deuh turin Akashvani Aizawl leh Doordarshan Kendra Aizawl te a chah.

Nimin khan Akashvani News Joint Director Nampibou Marinmai chuan Governor hi a chenna Raj Bhavan-ah kawm in Sawrkar laipui in mipui hamthatna atana Scheme a duan te tun aia nasa zawk a mipuiten an chhawr theih nan nasa zawka puanzar kawnga hmalak a tul zia an sawidun a. Governor chuan sawrkar laipui hmalakna leh Scheme hrang hrangte chu Mizoram mipuiten an la chhawr tangkai tawk lo nia a hriat thu sawiin, hemi kawngah hian theihtawp an chhuah tih a hriat thu a hrilh a, sawrkar Scheme kalpuitu State sawrkar te leh Bank te pawh mipui ten Scheme an chhawr lehzual theih nan theihtawp chhuah se a duh thu a sawi a ni.

Akashvani News Joint Director Nampibou Marinmai pawhin Mizoram a hna a thawh tan atangin Mizoram mipuite tan theihtawp a hmalak a tum thu leh Akashvani leh DD chanchin thar tih changtlun dan tur ruahmanna an siam te Larsap a hrilh bawk a. Larsap hian DD News leh AIR News Mizoram te an kal zelna tur duhsakna a hlan a ni.