Serchhip-ah In chim senghawi hnatlang nei

Niminpiah-a Serchhip Dinthar Vengsang-a Lalrozama te chenna In chim senghawi hnatlang chu nimin khan neih niin mi thahnem tak an thawkchhuak.
Serchhip Dinthar VC te bultuma nimin a hnatlang ah hian mi za chuang thawkchhuakin mi tlawmngai thawkchhuak te hian In chim ta chu an thiahfel bakah a chak hlui te pawh thiarchhuah nghal vek a ni. Serchhip Dinthar VC te hian nimin khan District thuneitute hnenah he chhiatna thleng hi an thlen bawk a, District thuneitute chuan vanduaina a thlen tlai hian a hmunah lo tlawh tawhin sawrkar atanga tanpuina awm thei ang ang ngaihtuah sak an nih dawn thu an lo sawi tawh a. Nimin zing khan Serchhip Block Congress Committee chuan he vanduaina tawktute hi tlawhin a tul anga hman turin Rs. 5000/- an pe bawk a ni.


Vanduaina tawktute tana chenna In sak sak chungchangah Dinthar VC te chuan nizan lam khan thutkhawm neih an tum thu an sawi a, van-duaina tawktu chhungkua te nen pawh sawiho tur a nih thu sawiin, tunah hian vanduaina tawkte bungrua hi an In chhak maia In sak lai, tuna ruak mek ah an vawmlut rih tih an sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man