Saruak-a inpho thin te chhuichiang turin MSWC in ngen

Mizoram State Women Commission (MSWC) chuan United Arab Emirates (UAE)-a mi In-a inhlawha awm Mizo ten harsatna hrang hrang an tawh chungchangah leh tunhnaia Mizo hmeichhe saruak-a in pho chhuak hluar ta lutuk chungchang chhui chian anih ngei theih nan leh a tul anga hma la tura ngenna Mizoram DGP, Aizawl DC leh a kaihhnawih dangte hnenah lehkha an thehlut.

Mizoram State Women Commision-in a tarlan danin tunhnaiah Mizo zingah Social Media-ah mahni duh thu ngeia mipat hmeichhiatna hmanglai pholang an awm a, hetianga mi dang hmuh theih tura ual-au taka video live-tute chu dan anga na taka hremna pek theih ngei a ni a, Information Technology Act, 2000 pawhin hetiang thil hi a khap tlat a ni. 

Hetiang thil hi a thlen nawn tawh loh nan leh a ti thinte pawhin an sim nghal theih nan tunhnaia thil thleng pawh hi uluk taka chhui zui a, pawikhawihtute chu hremna pek a nih ngei theih nan hmalak an tum tih an sawi a. Instagram Account pakhat hmanga Sex video viral thar chungchang hi chhui chiang tur leh he mi kaihhnawih dan bawhchhiatna awm thei hrang hrangte chhui a nih theih nan Mizoram State Commision for Women chuan Directorate General of Police, Mizoram chu an hriattir a ni.

Mizoram State Commmssion for Women chuan Mizo hmeichhia te chu hetiang thil leh a kaihnawih thleng thin hi tihtawp a nih theih nan mahni inthunun a, fimkhur taka nun hmang theuh turin a beisei tih an tarlang a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar