Raltlan tanpuina dil sawrkar laipui in la pe lo

Mizoram sawrkarin Manipur tualchhung buaina avanga harsatna tawk sahimna zawnga Mizoram lo lutte chhawmdawlna atana Sawrkar laipui hnena tanpuina tur cheng vbc. 10 a dil chu tun thlengin hmuh ala ni lo.

Sawrkar laipui chuan Manipur tualchhung buaina avanga Mizorama sahimna zawnga lutte tanpuina tur hi tun thlengin ala pe lo a, State Home Department hotute sawi danin, Chief Minister Zoramthanga chuan May ni 16 khan Manipur mi leh sa, harsatna tawkte tanpuina atan cheng vbc. 5 pe turin sawrkar laipui a ngen a, State chhunga sahimna zawnga lo lut nasa taka an pun hnuah May ni 23 khan cheng vbc. 10 a dil leh a. Hei hi June 16 khan Minister Robert Romawia Royte kaihhruaiin mi pawimawh ten zuk bawhzui leh mah se tun thlengin sawrkar laipui atangin tanpuina hi hmuh a la aawm lo a ni.

Hetihlai hian Inrinni thleng khan Manipur atanga Mizoram-a rawn raltlan mi 12,632 an awm mek a, anmahni chhawmdawl kawngah YMA, VC/LC, khawtlang, pawl leh mimalte’n theih tawp an chhuah mek zel a. Mizoram sawrkar pawhin theihtawp chhuahin Manipur raltlan leh Manipur Zofate pualin buhfai quital 4,983 a semchhuak tawh a ni.