Rel kawng survey-na tur sum ruahman leh

Sairang atanga Hmawngbuchhuah (Lawngtlai District) thlenga Rel kawng sial tura hmalakna kal mekah Indian Railway chuan Final Location Survey tihna atan Rs. 33,15,60,293/- sanction Letter chu tunhnai khan a tichhuak.

Act East Policy tihhlawhtlin nana Indian Railways in Mizoram kaltlanga India leh Myanmar a thlunzawmna tur, Sairang atanga Hmangbuchhuah thleng rel kawng sialna tur hian tunhnai khan sawrkar laipui chuan Rel kawng sial tura endikna hmawrbawkna tur, Final Location Survey tihna atan Rs. 33,15,60,293 pekchhuahna hi a tichhuak a. Sairang leh Hmawng-buchhuah inkar Rel kawng, kilometre 223-a thui turah hian Station 12 awm tura ruahman a ni a. Hetianga Hmawngbuchhuah thleng Rel kawng a kal thei a nih chuan Mizoram chuan Sittwe Port atangin bungrua chi hrang hrang man tlawm takin a chawlut thei tawh dawn a ni. Sittwe Port hi India sawrkar hmalaknaa khawvel Lawnglian chawlhluh theihna tura siam zawh tawh niin Union Minister of Ports, Shipping, and Waterways, Sarbananda Sonowal chuan a lo hawng tawh a ni.

Tun dinhmunah Mizoram chhung Bairabi leh Sairang inkar KM 51.38-a thui Rel kawng sial hna chu Indian Railway Northeast Frontier Railway chuan an thawk mek a, hna thawh tur za zela 75 vel zawh ni tawhin kum 2024-ah chuan hawn hman theih tura ruahman a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar