Ruihhlo do mitin mawhphurh a ni - Minister SW&TA

Social Welfare & Tribal Affairs changtu Minister Er. Lalrinawma chuan Ruihhlo do chu mitin ten kan mawhphurna a ni tih kan hriat a ngai tih a sawi.

State Level Working Committee on Ruihhlo Do in ruihhlo do chungchang inzirna kawnga District tin aiawh tur training a buatsaih 'Master Trainers Training on Ruihhlo Do' hawnna nimin-a State Veterinary Council Hall, Aizawl-a neih a hmanpuina ah SW&TA Minister Er. Lalrinawma chuan Ruihhlo avanga Mizoram-in harsatna kan tawh hrang hrang-te leh ruihhlo la tilo te venhim kawnga hmalak zel a tul zia a sawi a. Ruihhlo do chu mitin ten kan mawhphurna a ni tih kan hriat a ngai tih sawiin, Sawrkar leh NGO bakah mi thahnemngai te tanlakna chuan awm zia a nei tih a sawi a, theihtawp chhuah a tang zel turin a sawm bawk.

He training-ah hian District tinah atanga Master Trainer tura ruat mi pali (4) zel telin, Master Trainer-te hian anmahni District chhunga zirna In (Schools & Colleges) leh Kohhran inkhawm (Sunday School, Naupang &Tleirawl Inkhawm, Thalai Inkhawm etc.) ah te Ruihhlo that lohzia an zirtir dawn a. Inzirtirna hi uluk taka kalpui tur niin ram pumah rualkhai taka zirtirna pek a nih theih nen he training hi buatsaih a ni.

Comments

Popular News (Last 30 Days)

Vawiin-ah HSSLC Exam result