Latest News

Nagar Van (Urban Forest) 14 tan lungphum phum

Khawpui boruak (Urban Forest) tih thatna tur Scheme, Nagar Van Project chu Mizoram District hrang hrang leh Autonomous District Council pathum-a hmun 14 atan nimin khan EF&CC Minister TJ. Lalnuntluanga chuan lungphum a phum.

Chief Wildlife Warden Conference Hall, Aizawl a he hun hman ah hian Environment Forest & Climate Change Minisster TJ. Lalnuntluanga chuan Mizoram puma Green India Mission kalpui a nih theihna tura hmalakna te a sawi a, JICA Funded Project Biodiversity Conservation and Forest Enrichment project atana chak taka hmalak mek a nih thu sawiin, he project hian kan ramngaw te bakah kan tuihna te a siam tharin, kan tuchhuan te tan boruak tha leh ramngaw a siam tha dawn tih a sawi a. Forest Department-a Officer leh Staff te chu nasa zawka tan la tur leh ngaihtuahna thar hmang zel turin a fuih a ni.

EF&CC Minister chuan Forest Conservation Amendment Act chungchangah EF&CC Department, Mizoram chuan a ngaihdan leh a duhlohna chhan hrang hrangte huntiam chhungin Ministry-ah a tih a sawi a. Heti chunga Lok Sabha-ah pass a ni tho chu pawi a tih thu sawiin, he thil hi State Legislative Assembly chuan duh lo tih lantirin Resolution a pass tih a sawi bawk.

Comments

Popular News (Last 30 Days)