RD Minister in sawrkar laipui a dawr

Rural Development Minister Lalruatkima chuan nimin khan Ministry of Rural Development hnuaia Official te dawrin Mizoram mamawh hrang hrang a thlen.

RD Minister Lalruatkima hian nimin khan Ministry of Rural Development hnuaia Rural Housing changtu Deputy Director General (RH) Gaya Prasad chu a Pisa-ah hmuin an inkawm a, Mizoram in a mamawh mirethei leh harsa zawk te tana Insak tanpuina (Rural Housing) chungchanga harsatna tam tak Mizoramin a tawh te sawipuiin, Deputy Director General hian tunkar chhungin Mizoram tan cheng vbc. 60 Crore release a nih nghal tur thu RD Minister hi a lo hrilh a ni. Deputy Director General (RH) hian Mizoram chu Rural Development Minister tha tak leh chak tak, mahni hna a in pe zo tak a neih avanga lawmawm a tih thu leh duhsak tlak a nih thu a sawi bawk a ni.

RD Minister hian nimin vek khan Ministry of Rural Development-a MGNREGS changtu Joint Secretary Amit Kataria pawh a pisa-ah kawmin Mizoram mamawh a thlen a. Joint Secretary hian Mizoram chu Ni 100 inhlawhna a an tih that thu leh India ram State lian tak takte tan pawh entawn tlak a nih zia a lo sawi a. Minister in Mizoram mamawh ang a thlen te chu tunkar ah tih ngei a tum thu leh Mizoram chu tehna hrang hranga (Perimeter) India ram State te zingah a titha ber pawl a nih avangin State in a mamawh ang tih sak vat vat hi a phurawm thu a sawi a ni.

Lalruatkima chuan Joint Secretary hi Mizoram State Assembly Election hma ngeia Miz-ram tlawh tura sawmin, Joint Secretary pawhin rawn zin ngei a tum thu Minister hi a hrilh a. AKAM hnuaia hmalakna Amrit Sarovar Mission ah Mizoram in hna a thawh that avangin tun Independence Day hman turah RD Department-a Official 4 te chu Delhi a tel turin sawm an ni.